Impotenca, 1 në 10 meshkuj vuan nga sëmundja

Sipas shefit të Urologjisë, Xhani, rreth 80 % e meshkujve e neglizhojnë. Ja shkaqet që sjellin sëmundjen

Impotenca seksuale po ndeshet gjithnjë e më shumë te meshkujt. Të paktën një ndër dhjetë meshkuj vuajnë nga impotenca. Në ditët e urologjisë dalin dhe statistikat e para që nxjerrin në pah, probleme në aftësitë seksuale të meshkujve.

Sipas shefit të Urologjisë në Qendrën Spitalore Universitare "Nënë Tereza", Mustafa Xhani, shifrat na krahasojnë me shumë vende të tjera të Europës, por shqetësues është mungesa e edukatës për t'iu drejtuar mjekut për probleme të tilla. Ndërkohë, Xhani shpjegoi edhe shkaqet që stimulojnë impotencën seksuale.

Neglizhenca

Po bëhet gjithnjë e më shqetësuese për meshkujt, por nga ana tjetër pothuajse të gjithë janë neglizhentë. "80 për qind e meshkujve me këto probleme nuk kërkojnë ndihmë mjekësore. Nuk duhen neglizhuar shenjat pararendëse", - thotë shefi i pavijonit të Urologjisë, Mustafa Xhani.

Sipas tij, me impotencë nuk duhet të kuptohet diçka fare e parëndësishme. Impotenca fillon kur reksioni është i dobët, nuk përfundon akti seksual, pra janë disa shenja pararendëse, të cilat duhet të jenë shenja alarmi dhe ta drejtojnë pacientin tek mjeku.

Të ndodhur përballë kësaj situate, mjekët u bëjnë apel meshkujve t'i drejtohen andrologut që në shenjat e para, pasi ekzistojnë medikamente që përmirësojnë gjendjen shëndetësore, duke ndikuar kështu edhe zgjidhjen e një sërë konfliktesh në çift, që vijnë si pasojë e impotencës. Kështu, statistikat tregojnë se një në 10 meshkuj në Europë, përfshi këtu edhe Shqipërinë, vuan nga impotenca seksuale.

Shkaktarët

Problemet impotencës mund të shfaqen që herët të ndikuara nga një sërë faktorësh, si të brendshëm dhe të jashtëm, si stresi, konsumi i alkoolit dhe i duhanit, ashtu edhe probleme të tjera shëndetësore që lidhen me to. "Më stimulues për impotencën është diabeti. Niveli i ulët i sheqeri në gjak, arterioskleroza që shoqëron diabetin, rritja e madhe e kolesterolit, pra yndyrave në përgjithësi. Pra, këta meshkuj janë shumë të riskuar në përgjithësi", - pohon Mustafa Xhani.
Sipas tij, mund të ketë edhe probleme të tjera, siç është hipertensioni, pasi te çiftet që kanë një jetë të rregullt seksuale fillojnë të lindin dhe kontradikta dhe sipas doktorit, është mirë që të shohim aspektin mjekësor dhe aspektin social dhe sigurisht të mos jetë tabu vajtja te mjeku specialist.
Shekulli

150 mijë shqiptarë vuajnë nga impotenca

Një pjesë e mirë e meshkujve shqiptarë janë impotentë. Pavarësisht se njihen si të zotë, të aftë të fortë, pothuajse 150.000 prej tyre, vetëm në Shqipëri, nuk janë të aftë të kryejnë marrëdhënie seksuale.
Por, problemi tek këta persona nuk është vetëm pamundësia e kryerjes së aktit seksual por edhe kurimi i kësaj sëmundjeje. Një studim i kryer nga mjekët shqiptarë, është bërë publik pikërisht në javën e urologjisë, ku thuhet se 80 për qind e këtyre pacientëve, nuk shkojnë tek mjeku pasi kanë turp.

Shifrat e nxjerra nga studimi i kryer në Shqipëri tregojnë pothuajse të njëjtat nivele të sëmundjes ashtu sikurse edhe vendet e tjera evropiane, por ajo që nuk përputhet është neglizhenca e sëmundjes dhe mosmjekimi i saj në stadet e hershme.

Sipas ekspertëve, problem mbetet shifra 80 për qind e këtyre meshkujve, të cilët i kanë këto probleme, nuk kërkojnë ndihmë mjekësore për t’u trajtuar.

“Nga këto pacientë 80 për qind prej tyre nuk kërkojnë ndihmë mjekësore. Nuk duhet të kuptojmë me impotencë një gjë fare - fare të abandonuar, por mund të ketë shenja të pakta, ku fillon me vonesë ereksioni, nuk përfundon akti seksual. Këto janë shenja pararendëse por që e japin sinjalin parë për të çuar pacientin tek mjeku”, ka pohuar Mustafa Xhani, shefi i Shërbimit të Urologjisë në Qendrën Spitalore të Universitetit të Tiranës.

Çdo mashkull mbi të 50-at është i rrezikuar për t’u prekur nga sëmundja e prostatës. Duhet domosdoshmërish që pas kësaj moshe kjo kategori t’iu nënshtrohet analizave diagnostikuese. Problemet impotencës mund të shfaqen që herët të ndikuara nga një serë faktorësh si të brendshëm dhe të jashtëm, stresi, konsumi i alkoolit dhe i duhanit ashtu edhe probleme të tjera shëndetësore që lidhen me to. Po kështu, edhe sëmundjet e rënda kronike që mund të ketë një person, ndikojnë në kryerjen e një marrëdhënie seksuale të rregullt. /KohaJonë/Telegrafi/
Të dhëna
* 1 në 10 meshkuj shqiptarë vuan nga impotenca
* 80 për qind prej tyre nuk kurohen
* 150 mijë shqiptarë nuk janë të aftë të kryejnë marrëdhënie seksuale
* 110 mijë meshkuj nuk shkojnë tek mjeku sepse kanë turp
* 4 lloj sëmundjesh kronike ndikojnë në shfaqjen e impotencës
* 3 faktorë të jashtëm ndikojnë në shfaqjen e impotencëstelegrafi