Vuan nga Nomofobia, sëmundja e re psikike

Frika më e keqe e kohës sonë, mban emrin Nomofobi dhe ka të bëjë saktësisht me ankthin që të pushton papritur se mos ke humbur telefonin tënd celular. Kjo pasi, pa të, do të ndjeheshit të humbur, të frustruar dhe të pasigurt.Sipas një studimi të fundit të realizuar në Evropë, prej saj, vuan rreth 66% e popullatës, edhe pse 41% e saj, është e garantuar me posedimin e dy aparateve të tillë.
Ekspertët e lidhin këtë me faktin se celulari cilësohet prej nesh jo vetëm një mjet komunikimi, por edhe një arkë e vërtetë kujtimesh, fotosh, numrash dhe kontaktesh. E për këtë arsye, kur ai na humbet, ndihemi më shumë se keq.Ndërkaq, të dhënat e studimit në fjalë tregojnë se nga Nomofobia vuajnë më shumë gra se burra (70% kundrejt 61%).

Sindromi i saj manifestohet me të gjitha tiparet e një nevroze të caktuar.

Ndërsa sipas një sondazhi nga “Chicago Tribune”, për shembull, shumica e njerëzve thonë se ata mund të mbeten më mirë një javë pa furçë dhëmbësh, sesa pa telefonin celular.

e.t/noa