Kush e bën vajin më të mirë të ullirit? Shqipëria, në garë me 17 vende

Puglia, 4 mars 2012, NOA - Cili nga 18 vende të botës arrin të prodhojë vajin më të mirë të ullirit? Mos vallë Shqipëria ... Përgjigjen e një pyetje të tillë, pritet që ta japë një konkurs ndërkombëtar, i parashikuar të zhvillohet në rajonin Puglia të Italisë, gjatë datave 15-17 mars.E ftuar të konkurrojë mes tyre, edhe Shqipëria do të paraqesë llojet e saj ekskluzive të vajit të ullirit, duke pretenduar në këtë mënyrë, që të marrë “Çmimin Biol”, i konsideruar si më prestigjiozi në këtë fushë.Mediat italiane kanë bërë me dije ndërkaq, se janë afërsisht 300 lloje vajrash që do të prezantohen si prodhime ekskluzive të vendeve pjesëmarrëse në këtë garë. Ndërsa saktësohet se këto do të jenë Shqipëria, Arabia Saudite, Kili, Kroacia, Gjermania, Jordania, Greqia, Izraeli, Libani, Zelanda e Re, Portugalia, Siria, Sllovenia, Spanja, Tunizia, Turqia, SHBA, si dhe Italia.

Nga ana tjetër, pohohet edhe fakti se vaji i ullirit ekstra i virgjër që do të marrë çmimin e madh, do të përzgjidhet për shijen më të mirë, paketimin, etj.

e.t/noa.al