“Karnavalet e Korçës” në Metropol

Një tjetër version i komedisë së Spiro Çomorës ngjitet në skenën e teatrit. Bëhet fjalë për veprën e dashur për publikun shqiptar, “Karnavalet e Korçës”, e cila do të vihet në skenën e qendrës kulturore “Tirana” (Teatri i Metropolit). Komedia është marrë në duar kësaj here nga regjisorja Elma Doresi. Interpretojnë aktorët Devis Muka, Ina Gjonçi, Marsela Lena, Klodian Hoxha, Lorenc Kaja, Jonida Çunga dhe Oriana Cama. Kostumografia nga Edlira Qyshka, ndërsa skenografia është realizuar nga Beqo Nanaj. Premiera e komedisë “Karnavalet e Korçës” është nesër në mbrëmje.