Situata e sigurisë në Shkup mund të del nga kontrolli

Rreth njëzet shqiptarë kanë sulmuar disa qytetarë maqedonas pranë Bankës Komerciale në Çair të Shkupit, bëjnë të ditur dëshmitarë ocular për ‘Lajm’. Sipas tyre, sulmi është bërë në shenjë hakmarrje për incidentin që ndodhi mbrëmë në një autobus ku u sulmuan fizikisht 15 nxënës shqiptarë.
Ministrja e Brendshme, Gordana Jankullovska ka dënuar ashpër rrahjen e nxënësve shqiptarë në linjën e autobusit me numër 58 si dhe incidentet tjera që pasuan pas këtij. Ajo me këtë rast apeloi deri tek të gjithë qytetarët për gjakëftohësi dhe të kontrollojnë reagimet e tyre pasi dhuna mund të përfundojë tragjikisht, shkruan Lajmpress.
"Sa i përket këtij incidenti janë marrë të gjitha masat e nevojshme nga policia dhe besojmë se shumë shpejtë do ti kapim kryerësit e incidentit me qëllim që të japin përgjegjësi për veprën e bërë penale", ka thënë ministrja Jankullovska.
Numri një i policisë Jankullovska nuk hedh poshtë mundësinë për skenarë të mundshëm nga qarqe dhe njërëz të ndryshëm që dëshirojnë prishjen e marrdhënieve ndëretnike por me këtë rast porositi se numri i atyre që nuk e dëshirojnë këtë gjë është shumë më i madh. (Lajmpress)

une si qytetar shqiptar i tetoves drejtohem shtet shqiptar kerkoj ndihme te reagoj ndaj shtet maqedon