BE i dhuron policisë kufitare shqiptare 7 skafe kontrolli

Bashkimi Europian i dhuron Shqipërisë 7 mjete lundruese policisë kufitare për kontrollin kufitar ujor.
Ceremonia e dorëzimit të mjeteve është zhvilluar në ambientet e “Delta Force”, Rradhimë. Në këtë ceremoni kanë qenë të pranishëm Kryeministri i vendit Sali Berisha dhe Ambasadori i BE-së në Tiranë, Etore Sequi.

Vlera e mjeteve lundruese 3.5 milionë EuroKryeministri Sali Berisha duke folur në ceremoninë e dhurimit të mjeteve tha se anijet garantojnë një kontroll eficent të vijës kufitare. “Mjetet, i bëjnë ujërat tona më të sigurta. Për vite me radhë Otranto, simbol i dramës. Sot, asnjë jetë njerëzore s’ka humbur.”, tha kryeministri.

Sipas tij këto mjete sigurojnë kufijtë të eliminojnë trafikun e drogës dhe qenieve njerëzore.