Obama e ka “falsifikuar” certifikatën e lindjes?

Certifikata e lindjes së presidentit amerikan, Barack Obama, e cila konfirmon se ai ka lindur në SHBA, për çka edhe ka të drejtë të jetë president, mund të jetë falsifikuat, thotë sherifi Joe Arpaio.

Sherifi i Kontesë Maricopa ka “zbuluar” përmes hetimeve se certifikata e tij e lindjes mund të jetë një “falsifikim dhe mashtrim.”

Arpaio është i njohur për pikëpamjet e tij të rrepta për emigracionin, ndërsa aktualisht është nën hetim për delikte racore. Sipas tij, duke analizuar kopjen elektronike të certifikatës së Obamas, ka nisur të dyshoj në vërtetësinë e tij.

“Bazuar në të gjitha provat dhe hetimet, unë nuk mund të konfirmoj se këto dokumente janë autentike. Sipas meje, certifikata është punuar në mënyrë elektronike dhe nuk ka buruar nga formati i letrës”, thotë ai.

Shtëpia e Bardhë e ka publikuar më 2011 certifikatën e lindjes të presidentit amerikan, për të ndalë spekulimet se ai nuk ka lindur në Shtetet e Bashkuara por në Keni.

Njerëzit të cilët kanë lindur jashtë SHBA-ve, nuk mund të jenë presidentë. /Telegrafi/