Maqedonia në NATO me emrin “Maqedoni e Epërme”

Maqedonia të marrë ftesë për në NATO me emrin “Maqedonia e Epërme”, kurse kontesti i emrit të zgjidhet në etapa. Kjo është formula të cilën është duke e përgatitur ndërmjetësi Metju Nimic me qëllim që Shkupi të marrë ftesë për anëtarësim në NATO, në samitin e ardhshëm që do të mbahet në Çikago në muajin maj.



Sipas gazetaës greke “To Vima” Nimic këtë ide e ka shpalosur gjatë qëndrimit të tij të fundit në Athinë. Sipas kësaj gazete, Nimic ka propozuar zgjidhje në etapa, sipas të cilës çështja e emrit do të zgjidhej para samitit në Çikago, kurse detajet tjera të kontestit do të zgjidheshin deri në anëtarësimin formal të vendit në NATO.