SHBA, vendosen pengesa ligjore për abortin e fëmijëve të palindur

Ligjvënësit në shtetin e Virxhinias miratuan një masë ligjore që i detyron gratë që kërkojnë të abortojnë t’i nënshtrohen fillimisht një ekzaminimi me ultrasound.
Projektligji u miratua me lehtësi në Dhomën e Delegatëve të kontrolluar nga republikanët dhe guvernatori Bob McDonnell ka thënë se do ta nënshkruaj në ligj.
Procedura e ekzaminimit është menduar të përcaktojë moshën e fetusit para se nëna të mund të ndërpresë shtatëzaninë. Një projektligj i mëparshëm kërkonte një formë më të komplikuar ndërhyrjeje sesa një ekzaminim rutinë.
Por protestat e përkrahësve të të drejtës së abortit bënë që sponsorizuesit e këtij projektligji ta ndryshonin formulimin e tij, citon Z.Amerikes.