AK-ja në maj me strategji për bashkimin me Kosovën

Aleanca Kuq e Zi (AK) do të hartojë një strategji për bashkimin me Kosovën. Përmes një deklarate për shtyp, AK bën të ditur se në kuvendin që do të mbajë në maj do të prezantohet strategjia për bashkimin me Kosovën.
AK shprehet se Shqipëria e ka shkelur marrëveshjen për çmimin e referencës me Kosovën.
"Me këtë akt, qeveria "Berisha" tregoi se është kundër bashkimit. Qeveria shqiptare dhe ajo serbe po ndjekin politika të njëjta për Kosovën. Ne do të krijojmë ekonomi tregu të përbashkët. Bashkimi me Kosovën është objektiv strategjik", thuhet në deklaratën e AK.