Të paktën një fitues në llotarinë më të madhe në histori

Ethet e llotarisë kanë mbërthyer Shtetet e Bashkuara të Amerikës pasi u hodh shorti për jackpot-in më të madh në histori, plot 640 milion dollarë.

Zyrtarët e llotarisë Mega Millions thonë se ka të paktën një biletë fituese të shitur në Maryland, por mund të ketë edhe të tjerë fitues. Çmimi ka ardhur gjithmonë në rritje që nga 24 janari. Çmimi fitues ishte 540 milion dollarë përpara se të bëhej shpallja e të premtes. Zyrtarët e llotarisë thanë se janë blerë bileta në vlerën 1.5 miliard dollarë në kohën e hedhjes së shortit.

Fituesi mund të marrë shumën e plotë të 640 milion dollarëve në dorë, ose me këste prej 24 milion dollarë në vit për 26 vjet.