Shpërndarja e Kuranit shqetëson Qeverinë gjermane

Qeveria gjermane thotë se e ka marrë “shumë seriozisht” iniciativën e grupit radikal Salafist për të shpërndarë falas miliona përkthime të Kuranit në rrugët e qyteteve të Gjermanisë.

Fushata, e organizuar nga aktivistët e Salafistit, si dhe nga biznesmeni Abu Nagi dhe grupi i tij “Religjioni i vërtetë”, ka nisur në tetor të vitit të kaluar, por polemikat kanë nisur të shpërfaqen vetëm së fundmi.

Salafistët i përkasin fraksionit ultra-konservator brenda islamit Sunit, raporton REL.

Autoritetet gjermane të sigurisë thonë se islamikët më të dhunshëm janë ndjekës të Salafismit.

Politikanët kanë akuzuar grupin e Nagit për abuzime me liritë fetare.

Burimet zyrtare flasin për rreth 2 500 salafistë në Gjermani.

Grupi i Nagit ka thënë se planifikon të dhurojë rreth 25 milionë kopje të Librit të Shenjtë Islamik në Gjermani, Austri dhe Zvicër.