Fansat të çmendur për filxhanin e çajit të Lady Gagës, çmim rekord

Tokio, 1 maj 2012, NOA- Lady Gaga, është padiskutim mbretëresha e pop-it, e cila ka mbështetur buzët një herë të vetme në filxhan për të provua çajin dhe ka ndezur një çmenduri.

Për të pasur filxhanin e çajit ku Lady Gaga ka pirë, fansat e saj japonezë janë të gatshëm të paguar deri në 4 milionë yen ose 38 mijë euro një çmim rekord ky, për një filxhan.

Siç raporton noa.al, ky është çmimi më i lartë i ofruar në pesë ditë që nga hapja e shitjeve online.

Filxhani në fjalë u përdor nga pop stari amerikan gjatë një konference në Tokio, tre muaj pas tsunamit të 11 marsit të vitit 2011.

Në atë konferencë këngëtarja deklaroi se do e nxirrte në shitje filxhanin me gjurmët e buzëkuqit të saj me shkrimin “Të lutemi për Japoninë” e firmosur nga vetë ajo.

Mësohet se të ardhurat nga shitja e filxhanit do të shkojnë për të lejuar artistët e rinj japonezë për të studiuar në Shtetet e Bashkuara të Amerikës, ndërsa në garë janë 500 blerës potencial.

a.y/noa.al