U shit, filxhani i Lady Gagës 57 mijë euro

Tokio, 7 maj 2012, NOA- Lady Gaga është padiskutim mbretëresha e pop-it, e cila ka mbështetur buzët një herë të vetme në filxhan për të provua çajin dhe ka bërë që nga ai filxhan të vijë një pasuri.
Për të pasur filxhanin e çajit ku Lady Gaga ka pirë, fansat e saj japonezë paguan 57 mijë euro.

Siç raporton noa.al, filxhani në fjalë u përdor nga pop stari amerikan gjatë një konference në Tokio, tre muaj pas tsunamit të 11 marsit të vitit 2011.
Në atë konferencë këngëtarja deklaroi se do e nxirrte në shitje filxhanin me gjurmët e buzëkuqit të saj me shkrimin “Të lutemi për Japoninë” e firmosur nga vetë ajo.
Mësohet se të ardhurat nga shitja e filxhanit do të shkojnë për të lejuar artistët e rinj japonezë për të studiuar në Shtetet e Bashkuara të Amerikës.

Konfirmimi i pagesës mbetet ende për tu bërë sqaroi sajti, “Yahoo Auctions Japan”, i cili organizoi shitjen online.

Mësohet se për të blerë këtë filxhan pati 1300 oferta.

a.y/noa.al