Çrregullimi skizotipal i personalitetit

Cilat jane disa nga simptomat kryesore: personi kryen hera-heres veprime te pazakonta, ka sjellje te çuditshme dhe ç'eshte me kryesorja ka mendime dhe perceptim te pazakonte. Ne plan te pare duket sikur kemi te bejme me skizofreni, por jo, keta persona nuk shfaqin anomali ne te gjitha funksionet psikike apo motorike sikunder ndodh ne rastet e skizofrenise.

Individe te prekur nga çrregullimi skizotipal i personalitetit shfaqin forma te menduarit magjik, bejne interpretime jo reale shpeshhere per ngjarje te zakonta ose pretendojne se mund te lexojne mendimet e te tjereve, parashikojne te ardhmen, fantazojne dhe shpesh kane edhe iluzione trupore, etj.

Keta individe mendojne se kane nje force jo te zakonshme qe i ben ata te parashikojne hera-heres ngjarje te caktuara, jane shume supersticioze dhe mjaft te interesuar per fenomenet paranormale.
P.sh. nje skizotipal beson se gruaja e tij e cila ka nxjerre qenin shetitje, eshte si rezultat direkt i faktit qe ai e kishte menduar kete gje nje ore me pare. Apo jane te dhene mbas ritualeve magjike aq sa mund te krijojne rituale per çdo ngjarje te zakonte si psh: te rrotullohen tre here rrjesht prane nje objekti specifik per te shmangur nje ngjarje jo te kendshme apo nje rezultat jo pozitiv.
Probleme te perceptimit si psh: ndjen se nje person tjeter eshte i pranishem ose degjon zera qe peshperisin emrin apo flasin per te.

Keta individe me rendimin e gjendjes se tyre pesojne deficite sociale dhe nderpersonale, gjithashtu pesojne shtremberime te vazhdueshme te proceseve mendore dhe perceptive.

Keta individe jane shpesh dyshues dhe jo rralle here shfaqin mendime apo ide paranoide.

psikologji