Thertoret në kryeqytet nuk plotësojnë kushtet higjienike

Thertoret në kryeqytet po rrezikojnë seriozisht shëndetin e popullsisë. Vetëm 4 prej tyre që tregtojnë mish të freskët operojnë në kryeqytet konform dokumentacionit dhe kushteve higjieno-sanitare. Ndërkohë që pjesa tjetër punon në të zezë dhe për pasojë nuk garanton cilësi të produkteve shtazore.Drejtori i Drejtorisë së Shëndetit Publik në Tiranë, Mëhill Gecaj, thekson se është i vështirë zbulimi i thertoreve që plotësojnë standardet, pasi shumica e tyre operojnë në ambientet e oborreve të shtëpive. Megjithatë, për një periudhë njëmujore inspektorët e këtij shërbimi kanë konstatuar rreth 50 të tilla. Kundrejt tyre janë marrë masa administrative, nga gjobë deri d, të cilat aktualisht janë të miratuara dhe përmbushin standardet higjieno-sanitare.

Pjesa tjetër është jashtë të gjitha standardeve. Për muajin e kaluar e deri tani janë kontrolluar thertore, dyqane mishi dhe bulmeti në Tiranë dhe 50 subjekte, një pjesë e mirë e të cilave nuk plotësojnë standardet higjieno-sanitare. Është marrë vendim për mbyllje provizore e për një pjesë të tyre mbyllje definitive”,- thotë Gecaj.

Gecaj tregon se një nga arsyet se përse po ngrihen thertore informale është se subjektet e licencuara dhe që ofrojnë standardet e duhura të tregtimit, nuk plotësojnë nevojat e qytetarëve, pasi janë të pakta në numër. Inspektimet janë ushtruar dhe në dyqanet e tregtimit të produkteve shtazore dhe atyre të peshkut. Një pjesë e tyre, sqaron Gecaj, nuk garantonin kushte tregtimi të këtyre produkteve. Kështu që dhe tek to u morën masa me gjobë deri dhe paralajmërime për pezullim aktiviteti.