Britani e Madhe, një grua merr drejtimin e anijes së luftës

Londër, 22 maj 2012, NOA- Për herë të parë në historinë e marinës britanike një grua u emërua të drejtojë një anije lufte.Bëhet fjalë për kapitenen Sarah West 40 vjeç, nga sot është në timonin e HMS Portland, një anije me peshë 5 mijë ton dhe me 185 anëtarë në bord.“Të marrësh drejtimin e HMS Portland përfaqëson një kulm në karrierë në 16 vite të kaluara në Royal Navy. Është një sfidë për të cilën jam përgatitur gjatë dhe për të cilën ndihem gati”, u shpreh kapitenia West, raporton noa.al.40 vjeçarja ka një eksperiencë të gjatë në operacionet e luftës në gjire dhe në Ballkan.Komandantja u përball me disa konkurrentë dhe në fund arriti të kryesojë.Gratë u pranuan në marinën britanike që nga viti 1990 dhe aktualisht përfaqësojnë 9% të personelit.Deri në fund të vitit 2012 ministri i Mbrojtjes lajmëroi se edhe tre anije të tjera lufte të Royal Navy do drejtohen nga komandante femra.

a.y/noa.al