“Hijet e territ”, premierë në kinematë e kryeqytetit

“Dark Shadows” me regji të Tim Burton-it shfaqet nga sot, në Kinema Imperial ora 10:00 dhe në Kinema Milenium, ora 20:00. Burton na zhvendos në vitin 1752, kur Xhoshua dhe Naomi Kollins, së bashku me djalin e tyre Barnabas, largohen nga Liverpuli për të filluar një jetë të re në Amerikë.

Por edhe një oqean nuk mjafton për t’i shpëtuar ata nga një mallkim misterioz. Pas dy dekadash Barnabas është zot në gjithë qytetin e Kollinsportit. Është i pasur, i fuqishëm, i lakmuar nga gratë, por ja që i thyen zemrën e Anxhelikës…

Dhe zemra e saj është e pamëshirshme. Johnny Depp, si gjithnjë heroi i filmave magjikë të Burton-it. Përkrah tij: Eva Green, Jackie Earle Haley, Bella Heathcote, Michelle Pfeiffer etj.