Bashkia me pantallona të shkurtra,për të kursyer kondicionerin

SEUL- Kryebashkia e Seulit u kërkoi zyrtarëve të saj të vishnin pantallona të shkurtra gjatë orarit të punës, në sezonin veror, për të kursyer për ajrin e kondicionuar. Kryetari i Bashkisë së kryeqytetit koreanojugor, Park Won-Soon pritet të promovojë këtë ide për veshjet në punë gjatë një parade mode, të organizuar sot si pjesë e fushatës,"Super Cool Biz". Për vitin e katërt radhazi, autoritetet përpiqen të bindin zyrtarët të heqin xhaketat dhe kravatat kur nuk kanë takime zyrtare dhe me eksponentë jashtë administratës. Megjithatë kjo mbetet hera e parë që u kërkohet të shkojnë në zyrë me pantallona të shkurtra.
(e.m/BalkanWeb)