Mbi 400 subjekte tregtojnë produkte kozmetike të rrezikshme.

Çmimet më të arsyeshme të produkteve kozmetike apo parfumeve që ofrohen në tregjet informale në Shqipëri janë kthyer në kërcënim për shëndetin e konsumatorit, sidomos për femrat. Kështu shprehet drejtori i ankesave në Zyrën për Mbrojtjen e Konsumatorëve, Hasan Stafa, i cili thotë se së fundmi kemi katër raste dëmtimesh të rënda me rënie flokësh, dëmtim lëkure dhe alergji. Stafa bën thirrje të merren masa nga organet kompetente për të mos lejuar në asnjë mënyrë shitjen e produkteve pa u shoqëruar me të dhënat në gjuhën shqipe. Në të kundërt duke u bazuar në ligjin për mbrojtjen e konsumatorit, do dënohen. Në ankesat e konsumatorit, shprehet më tej Stafa, janë mbi 400 subjekte në Tiranë që ushtrojnë aktivitet në sektorin e parfumerisë dhe kozmetikës që kanë marrë drejtimin e keq të tregut.
tch