Kim: Mamaja më vendosi në kontroll shtatzënie që 14 vjeçe

Dikush mund të thotë se nuk ka mbetur më asgjë për të mësuar nga Kim Kardashian. Por ylli televiziv, 31 vjeçarja Kardashian ka gjithmonë diçka për të treguar, që të tërheqë vëmendjen e medias.

Duke folur për Oprah Winfrey, ajo zbuloi se si mamaja e saj e kishte vendosur atë në kontroll shtatzënie që në moshën 14 vjeçare.

Kim i tha Oprah se ajo ishte thuajse 15 vjeç, kur mamaja vendosi ta mbronte atë nga shtatzënia.

Ajo shpjegoi se vendimi, që në atë kohë, por edhe tani shihet si shumë liberal dhe i guximshëm, erdhi si rezultat i dëshirës së saj për të humbur virgjërinë me të dashurin e saj, me të cilin kishte dy vite e lidhur.

“Kur desha të bëj seks për herë të parë isha thuajse 15 vjeç dhe mamaja ime liberale ishte e hapur për diskutim për këtë çështje, madje edhe duke më ndihmuar për kontrollin e shtatzanisë,” tha ajo.

“Unë i thashë asaj që dua ta bëj dhe ajo më tha në rregull, por duhet të të vendosim nën kontroll shtatzënie”.

Vetë Oprah nuk e ngacmoi shumë me pyetje në këtë drejtim, por u mjaftua duke thënë vetëm uau.