Absurditet shqiptar: 22 ditë pa drita

Banorët e komunës Kolsh të Lezhës kanë bllokuar sërish, për të dytën ditë radhazi, zyrat e CEZ në shenjë protestë për mungesën e energjisë elektrike prej 22 ditësh, si pasojë e djegies se tranformatorit. Madje ditën e sotme ata janë treguar më agresiv duke paralajmëruar se nëse nuk merren masa ditën e nesërme do të hyjnë me forcë në zyrat e kompanise CEZ, duke nxjerrë jashtë të gjitha materialet dhe punonjësit e kësaj zyre.Nga ana tjetër kompania ceke e shpërndarjes së energjisë nuk është tërhequr nga pozicioni i saj për të mos e rregulluar difektin nëse nuk paguhet të paktën 30% e debisë që banorët kanë. Sipas saj rreth 98% e banoreve të komunës Kolsh rezultojne debitorë prej shumë vitesh. Vetëm 3 familje së fundmi kanë shlyer 30% të vlerës që kanë dhe CEZ kaq premtuar se do të gjej një zgjidhje vetëm për ta./alb-observer.com/