Greqi, autobusi me turistë shqiptarë përfshihet nga flakët

Një autobus i cili transportonte turistë shqiptarë nga Greqia për në Shqipëri , është përfshirë nga flakët mëngjesin e sotëm në vendin fqinj. Sipas informacioneve të bëra publike nga mediat greke, autobusi ishte nisur nga qyteti Halkidikisë dhe po kthehej në vendin tonë ndërsa incidenti ka ndodhur në aksin rrugor Selanik-Neon Mudanion.
Sipas policisë helene në autobus ndodheshin 7 persona, duke përfshirë edhe shoferin dhe fatmirësisht asnjëri prej tyre nuk ka mbetur i lënduar pasi në momentin e shpërthimit të zjarrit ata kanë braktisur mjetin në pritje të ndihmës së parë. Gjithsesi akoma nuk ka të dhëna të plota për shkaqet e zjarrit, por nga hetimet paraprake mësohet se shkak mund të jetë bërë një qark i shkurtër elektrik./alb-observer.com/