Pushohet nga puna roja i plazhit

Një roje plazhi në Florida të SHBA-ve është pushuar nga puna pasi u largua nga zona e tij e ruajtjes për të shpëtuar një person që po mbytej. Sipas BBC-së që raporton lajmin, 21 vjecari Tomas Lopez, po patrullonte në Hollandale Beach kur i thanë se dikush po mbytej në një zonë që nuk është e ruajtur nga rojet e plazhit. Ai nuk e mendoi dy herë por u vërsul drejt personit që kishte nevojë për të. Por pas ngjarjes, në vend të lavdërimeve, mori si përgjigje pushimin nga puna me motivacionin se kishte braktisur vendin e tij të punës.I riu u shpreh se nuk mund të thoshte “Jo” dhe se do e bënte sërish pot ë gjendej në të njëjtën situatë por për shefat e tij ai kishte thyer rregullat e kompanisë dhe mund të kishte vënë në rrezik jetën e notarëve të tjerë. Pas pushimit të Lopez dy kolegë të tij kanë dhënë dorëheqjen në shenjë proteste. Sipas tyre edhe ata do të bënin të njëjtën gjë pasi kanë si detyrë të shpëtojnë jetë e jo të jenë skllevër të rregullave burokratike./alb-observer.com/