Tentoi të shëronte një gay, pushohet nga puna mjeku

Lëshoi një recetë për të kuruar një adoleshent nga homoseksualizmi dhe u pushua nga puna. Bëhet fjalë për mjekun 75 vjeçar, Mark Cradocck, nga Sidnej, i cili u gjet fajtor nga Komisioni i Kujdesit Shëndetësor për sjellje të pakënaqshme profesionale gjatë trajtimit të një 18 vjeçari. Sipas mediave, mjeku që është i specializuar në fushën e radiologjisë, dhe pacienti i tij janë anëtarë të një grupi konservator kristian, që e privojnë veten nga radio, televizioni dhe interneti dhe që nuk votojnë. Ndërsa kishte zbuluar se ishte gay, 18 vjecari u konsultua me drejtuesin e kishës i cili e drejtoi tek mjeku në fjalë. Cradocck i dha adoleshentit një recetë Cyprostat, një ilaç që përdoret për të trajtuar kancerin e prostatës dhe për të reduktuar testosteronin, duke menaxhuar kështu devijimin seksual të djaloshit.
Megjithatë pas ankimimit, Komisioni konstatoi se doktori nuk kreu një shqyrtim mjekësor të rastit dhe nuk e dërgoi 18 vjecarin tek një psikolog./alb-observer.com/