“Do të jem e dashura jote e përjetshme”

Mon 9 Jul 2012 - 21:08

Kujt i drejtohej Karla Bruni?

Një “pusullë” e shkruar nga Karla Bruni, është zbuluar nga mediat dhe pritet të shkaktojë stuhi në Francë. Kjo letër zbulon sekretin më të fshehtë të ish-Zonjës së Parë të Francës, bashkëshortes së Nikola Sarkozi.

“Do të jem e dashura jote e përjetshme”, shkruante Karla, por kujt vallë i drejtohej dhe i premtonte dashuri të përjetshme?

Mes të dashurve të saj të famshëm, Karla gjithmonë ka veçuar Mick Jagger, madje edhe gjatë kohës që ishte i lidhur me Jerry Hull.

“Do të jem e dashura jote e përjetshme”, ishte letra që ra në duart e Jerry Hull, në periudhën kur ajo sapo kishte lindur Georgia Mey (janar 1992), ndërkohë që Mick nuk ishte pranë saj, por argëtohej me Karlën 23-vjeçare atëherë në një vilë në Puket.

Jerry e mori menjëherë në telefon Mick, por ai nuk pranoi se ishte bashkë me Karlën. Herën tjetër që u takuan dy zonjat në Paris, Jerry e quajti Karlën të përdalë dhe i kërkoi që “ta linte burrin e saj të qetë”. Por nuk ndodhi kështu, pasi marrëdhënia e Jagger me Brunin jo vetëm që vazhdoi, por u bë edhe publike.

Në librin që sapo ka dalë në qarkullim “In Mick: The Wild Life and Mad Genius of Jagger”, kjo marrëdhënie përshkruhet si karmike.

Ata u njohën në vitin 1990, gjatë turneut të Rolling Stones, Urban Jungle.

Atëherë Karla dilte me Eric Clapton. Edhe ai i kërkoi Mick që ta linte të qetë të dashurën e tij, duke i thënë: “Jo dhe këtë Mick. Më duket se kam rënë në dashuri”, por ylli i Rolling Stones nuk i dha rëndësi lutjes së kolegut.

Pak vite më vonë, Bruni e braktisi Mick-un, por nga mendja nuk e hoqi asnjëherë. Nga gjithë meshkujt e jetës së saj, Nikola Sarkozi është xheloz vetëm për Mick Jagger, një xhelozi patologjike, të cilën e ka shfaqur hapur dy herë.

Hera e parë ishte kur ish-presidenti francez refuzoi të blejë një apartament penthouse në Paris, kur mësoi se në të njëjtin pallat kishte apartament edhe frontman-i i Rolling Stones.

Ndërsa hera e dytë ishte kur Sarkozy kishte shkuar me pushime në jug të Francës dhe mësoi se aty ndodhej edhe Jaggar. Ai i kërkoi Karlës që ta ftonte në një takim. Por kur u takuan, iu soll me një mënyrë shumë të pasjellshme, gati fyese. Vërtet ishte presidenti i Francës, por mbi të gjitha ishte… mashkull! /alb-observer.com/