AK, protestë kundër marrëveshjes PS-PD për reformën zgjedhore: Pazare për pushtet

Aleanca Kuqezi ka zhvilluar ditën e sotme një protestë para selisë së
Kuvendit, kundër marrëveshjes PD-PS për reformën zgjedhore.
“Jemi kundër pazarit mes PS dhe PD për të ndarë pushtetin. Të dyja
këto forca kanë marrë peng të ardhmen e vendit”, thanë përfaqësuesit e
Aleancës.

Drejtuesit e saj gjatë protestës theksuan se PD dhe PS kanë frikë nga
gara e ndershme, ndërsa u shprehën se do të jetë shqiptarët ata që do
të ndëshkojnë me votë bixhozçinjtë e Ramës dhe Berishës.

Dje, kur ishin në limitet e përfundimit të mandatit të komisionit për
reformën zgjedhore, dy forcat kryesore, PS-PD arritën një marrëveshje
për përmbylljen e reformës zgjedhore duke rënë dakord për tri çështjet e
diskutueshme në të shkuarën, KQZ, ankimimi dhe teknologjia.

12 korrik 2012

Burimi: Gazeta Shqip

Ka per t'i mare lumi...