Fatmire Sinanaj: “Kim lërmë të qetë, boll me hetues privatë”

Kontradiktat midis të bukurosheve me famë botërore, janë ndezur goxha!
Bukuroshja shqiptare, Fatmire Sinanaj, e njohur dhe si “Myla”, e cila ka qenë ish e dashura e të famshmit Kris Humphries, vazhdon të paralajmërojë bukuroshen tjetër me “rrezatim” global, ta lerë të qetë.

“Hej Kim Kardashian, përse nuk po shijon udhëtimin tënd në Majami dhe përse nuk ndalon së dërguari hetues privatë në shtëpinë time”, i shkroi ylli Myla në Twitter.

Kardashian, citon alb-observer.com, që ka thithur si magnet të gjithë gazetarët botërorë të showbizit dhe ta ndjekin atë këmba këmbës, është e njohur botërisht për bëmat e saj. Madje ajo ka thyer çdo rekord përsa i përket interesit të madh që tregojnë për të paparacët anë e mbanë botës, thuajse ajo është në kopertinën e çdo reviste life style.
Aktualisht Kardashian, ndodhet në Majami me pushime sëbashku me të dashurin e saj Kanye West.

Por, ja që shqiptarja Myla, nuk ka qëndruar e “qetë”. Ajo shkoi dhe më tej duke shkruar për dashurinë e Kim ndaj Kris në Twitter: “Kam bërë shumë gabime. Kam bërë shumë gjëra aksidentalisht, por asnjëherë nuk i kam thëne dikujt aksidentalisht se e dua, kur nuk e kam dashur’”.

Duhet theksuar se kontradikta midis dy bukurosheve, erdhi për shkak të Kris Humphries, i cili aktualisht ndodhet në proces divorci me Kim Kardashian./alb-observer.com/