Hysen Biba: “E hodha foshnjën nga dritarja në nerva e sipër”

Dita ditës ndërlikohet dhe më shumë ngjarja e rëndë e ndodhur në maternitetin e Tiranës!

Hysen Biba, babai vrasës, pasi u morë në pyetje nga grupi i hetimit për të zbardhur shkaqet që e shtynë atë të bënte një krim kaq të rëndë, ka qenë shumë konfuz. Edhe pse i pyetur për marrëdhëniet e tij me bashkëshorten, Biba ka qenë shumë i “kufizuar” në ato çka thoshte, duke thënë thjesht se kohët e fundit konfliktohej shumë me bashkëshorten e tij.
I pyetur se pse e bëri këtë gjë, Biba u përgjigjë: “Në nerva e sipër e mora dhe e hodha nga dritarja, pastaj u largova menjëherë duke ikur me vrap”.

Edhe pse përgjigjet e Bibës nuk kanë bindur grupin e hetimit, ata kanë marrë në pyetje dhe punonjës të maternitetit të cilët ishin t pranishëm kur ndodhi ngjarja e rëndë, madje ata janë shtrirë edhe më tej duke “hetuar” dhe shumë të afërm të dy familjeve, si të 21-vjeçares Lule Biba, po ashtu dhe të afërm të farefisit të vetë Bibës.
Ndërkohë nga burime të policisë mësohet se Biba kishte një kartel mjekësore në Spitalin nr 5, ku kurohej me probleme nervore.

Të afërmit

Pas këtij incidenti të paprecedent, mediat shqiptare dhe jo vetëm, kanë treguar një interes shumë të madh dhe janë vënë në garën e informimit, duke shkuar deri tek familja e Bibës për të mësuar më shumë rreth tij dhe rrethanave të këtij krimi.
Mësohet se mediat nuk kanë mundur t’i afrohen banesës së Bibës, përkundrazi në distancë e sipër ata kanë marrë disa përgjigje nga të afërm e tij, ku veç të tjerash u janë përgjigjur: “Ikni na lini rehat në hallet tona. Djali është i sëmurë”, tha halla e Hysen Bibës. Ndërkohë po të njëjtën përgjigje dha një komshi i pyetur nga mediat, duke shtuar se: “Hyseni është i sëmurë dhe mos u merrni me të. Ai po të ishte normal, nuk do ta bënte një gjë të tillë”. Ndërkaq, halla e Hysen Bibës, e cila vështron këmbënguljen e gazetarëve pohoj që nga dera e banesës: “Ikni, ne kemi hallet tona dhe nuk kemi nge për gazetarët. Ai është i sëmurë. Nëse do vini për ngushëllim dhe të pini kafe, bujrum, në të kundërt ikni që këtu”./alb-observer.com/

Hajt se po vras dhe une gjysmen e parlamentit por paraprakisht po korruptoj dike te me hap nje karton ne cmedine per kurim dhe pastaj nxirrem pa therre ne kembe si njeri me te meta mendore?? Ec e besoj keto perralla.