Babai që hodhi foshnjën nga dritarja e maternintetit, vjerra: Nuk është dukur ndonjëherë si i çmendu

“Vajza ime ende është e stresuar dhe e tronditur nga ajo që i ndodhi. Ne përpiqemi që ta mbajmë afër dhe t’ia largojmë mendjen nga ajo që ka ndodhur. Për këtë arsye, e kam dërguar tek vëllezërit e mi për t’i larguar mërzinë”.
Kështu ka pohuar vjerra e babait që hodhi fëmijën e tij nga kati i katërt i materninitetit në kryeqytet.

Vashë Peposhi vjerra e Hysen Bibës tregon për një të përditëshme se dhëndëri i saj nuk është dukur kurrë si çmendur dhe nuk e ka shfaq asnjëherë këtë.
“Ata thonë që ka shfaqur depresion, por gjatë kohës që Hyseni vinte tek ne nuk ka shfaqur shenja të tilla.
Depresioni të kap vetëm një moment”, – pohon nëna e Luljetës. Veç kësaj, ajo sqaron se edhe më parë ish-dhëndri i saj, Hysen Biba, pinte ilaçe për stresin, por nuk shfaqte shenja sëmundjeje në asnjë moment kur ai vinte në shtëpinë e familjes Peposhi.
Ndërkohë, Vashë Peposhi thekson se bashkimi i vajzës së saj me ish-dhëndrin varet nga vajza e saj.
Vetëm 5 muaj më parë, Luljeta Biba solli në jetë fëmijën e saj të dytë, pas djalit që kishte me bashkëshortin e saj. Por fatkeqësisht, foshnja vetëm 3-ditëshe nuk mundi të jetojë më gjatë, pasi babai i tij, Hysen Biba e hodhi nga kati i katërt i maternitetit “Kiço Gliozheni”./alb-observer.com/