Kjo është fytyra e vrasësit, hodhi të dashurën dhe fëmijën nga dritarja

Tmerr ka shkaktuar veprimi i një prindi në New Jersey të SHBA-së. Ai ka hedhur gruan dhe foshnjen e tij nga kati i tretë i pallatit ku banonin.

19-vjeçari Frederico Bruno do të përballet me 17 akuza, duke përfshirë edhe tentativën për vrasje, si dhe keqtrajtim minoreni.

Sipas hetimeve të para, ai ka shtyrë nga dritarja e katit të tretë të pallatit, ish-të dashurën e tij dhe djalin e tij 3 muajsh.

Dhe duke mos u mjaftuar me kaq, ai zbriti poshtë dhe i gjeti nënë e bir pa ndjenja në trotuar. 19-vjeçari jo vetëm që nuk u pendua për veprimin e tij barbar, por filloi t’i godiste me një tavolinë që gjeti të hedhur pak metra më larg.

Vogëlushi la frymën e tij të fundit në spital, katër ditë pas ngjarjes. Nëna e tij 20-vjeçare është e shtruar në spital, në koma.

Mjekët e spitalit Hackensack University bëjnë të pamundurën për ta mbajtur në jetë. /alb-observer.com/