Fruti që trefishon efektet në luftën kundër kancerit

Chicago, 10 gusht 2012, NOA- Pirja e lëngut të portokallit të kuq i njohur si grejpfrut trefishon efektet në raport me një dozë mjekimi kundër kancerit.

Kombinimi i mjekimeve me lëngun e portokallit të kuq mund të kontribuojë ndër të tjera në uljen e kostos së mjekimeve dhe zvogëlimin e dozës së tyre.

Studimi në fjalë siç informon noa.al është kryer nga Universiteti i Chicago Medicine dhe është publikuar në revistën Clinical Cancer Research.

Bëhet fjalë për kërkimet për alternimin e efekteve të mjekimit me ushqime të ndryshme.

Shkencëtarët zbuluan se lëngu i grejpfrut përmban 350% efektet e sirolimus, një ilaç i prodhuar për pacientët që kryejnë transplante, por mund të ndihmojë edhe në luftën kundër kancerit.

Një tjetër medikament, ketoconazolo, rrit me 500% efektet e sirolimus.

Ezra Cohen, autore e studimit shpjegon se, “Lëngu i grejpfrut rrit në mënyrë të ndjeshme nivelin e gjakut dhe efektet. Një masë e përbërë me një lëng të tillë rrit efikasitetin e medikamenteve dhe veçanërisht atë të sirolimus”.

Gjithsesi sugjerohet që përdorimi i lëngut të këtij fruti në alternim me mjekimet, duhet konsultuar gjithmonë me mjekun, sa i përket masës dhe shpeshtësisë.

a.y/noa.al

nje nga frutat e mia te preferuara portokalli me shege ................