Një skaf luksoz në formë luleje

Në pamje të parë, Fiorella ngjan me një lule gjigande të çelur, që noton në qendër të një liqeni, por kur “petalet” mbyllen, të duket si një vezë gjigande që ka rënë brenda në ujë!

Por në realitet, bëhet fjalë për një skaf luksoz në formë luleje, që mban firmën e dizajnuesit Hyun-Seok Kim.

Ky skaf ka një motor të vogël jet, ndërsa në brendësi të tij mund të mirëpresë nga dy deri në tetë vetë, varet se çfarë forme do të marrë. Për të qenë më të kuptueshëm, Fiorella mund të funksionojë si krevat për katër veta, si një krevat i madh për dy veta, por mund të kthehet edhe në një tavolinë të madhe për tetë veta.

Pra, ky skaf ndryshon në varësi të “petaleve” të tij, nëse i mban të hapura apo të mbyllura.

Por një gjë është e sigurt, që një udhëtim me të është romantik dhe relaksues. /alb-observer.com/