Rrëfimi i Odeta Nishanit, Zonjës së Parë të Shqipërisë

Në një intervistë mediatike, Zonja e Parë, Odeta Nishani, ka rrëfyer për jetën e saj private, marrëdhëniet me bashkëshortin si përjetimin e kësaj kohe që gjendet në epiqendër të mediave. Ajo ka pranuar se jeta ka pasur të papritura edhe për të dhe familjen e saj. Një ndër to ka qenë sëmundja e bashkëshortit, presidentit Bujar Nishani për të cilën ajo shprehet se “ajo tashmë është e kaluar dhe unë i lutem Zotit që ta ndihmojë në detyrën fisnike të kreut të shtetit”.Më tej duke folur për bashkëshortin ajo ka “zbuluar’ si vesin më të keq të tij neglizhencën e pushimeve dhe ndër vlerësimet pozitive përfshin sinqeritetin dhe karakterin e tij. Ajo gjithashtu ka pohuar se kënga e preferuar nga të dy është kënga e tenorit italian Andrea Bocelli “Vivo per te”.
E pyetur se cilat nga Zonjat e para preferonte më shumë Odeta shprehet se i pëlqen Michelle Obama për tipin sportiv, karakterin e fortë dhe sigurisht ngjyrat që vesh.
Ndërsa për Zonjat e Para të Shqipërisë ajo thotë se “secila ka pasur profilin e saj, por zonja Berisha në gjykimin tim ka pasur dimension të plotë dhe më aktiv”.
Punonjësja në Departamentin e Statistikave në Ministrinë e Turizmit rrëfen më pas se nuk jeton në Pallatin e Brigadave. “Presidenti i Shqipërisë me familjen nuk jeton në pallatin e Brigadave. Nuk e di pse të gjithë këtë pyetje ma bëjnë kështu. Është një rezidencë qeveritare, e cila po rikonstruktohet . Më pas ne do të zhvendosemi atje,” sqaron ajo.
Duke folur për jetën e saj profesionale Zonja e Parë thekson se kontributi i saj do të jetë në zhvillimin e turizmit, trashëgimisë kulturore dhe ruajtjen e mjedisit, pa lënë mënjanë edhe traditën e angazhimeve për bamirësi./alb-observer.com/

President sakat ja Ku ka perfunduar SHqiperia ?????