Kosovarit që ka varur vajzën e vet, 9 vjet burg

Rasti i kosovarit të akuzuar për tentim vrasje të bijës së tij (varje) ka marrë sot përfundimin gjyqësor. Gjykata e Lartë e Zürichut i ka shqiptuar shtetasit 46 vjeçar nga Kosova, Ramiz. N., me qëndrim në Höri të Zürichut, një dënim me nëntë vjet heqje lirie.

Më parë Gjykata e Qarkut e Dielsdorfit (ZH) e kishte dënuar atë me 6 vjet burg, gjë që për prokurorinë përgjegjëse është konsideruar pak. Kjo e fundit kishte kërkuar një dënim me 13 vjet heqje lirie.

Vepra më e rëndë që i ngarkohet Ramiz N. është varja e së bijës 28 vjeçare në një sallë fabrike. Pasi që njëherë e kishte varur, ai e kishte lëshuar sërish në tokë të bijën, kur ajo e kishte humbur vetëdijen, njofton Albinfo.

I gjykuari ka kundërshtuar shumicën e veprave që i ngarkohen. Ai ka pranuar vetëm se ndonjëherë ka rrahur fëmijët me shuplaka ose me rrip, “për shkak se nuk shkonin mirë me mësime”.(koha)

9 vjet pushkatim do ai qen, jo 9 vjet burg!