Ekonomia, PS: Shteti nuk pyet më për popullin

Tiranë, 15 shtator 2012, NOA- Në një takim të hapur për Ekonominë Partia Socialiste po diskuton për situatën ekonomike në vend.

Në fjalën e mbajtur me këtë rast deputetja Mimi Kodheli deklaroi se borxhi publik i ka kaluar 770 milionë dollarë ndërsa në vitin 2009 ka qenë 680 milionë dollarë.

Siç informon noa.al Kodheli deklaroi se rritja është progresive, dhe se qeveria nuk mund ta ndalë këtë, duke shtuar se ajo nuk do dhe nuk mundet ta bëjë këtë.

Sakaq përfaqësuesi tjetër i Partisë Socialiste Shkëlqim Cani tha se ka rënë fuqia blerëse, duke shtuar se Berisha deklaron se ka rritur rrogën, “Me një dorë u jep 50 lekë dhe me dorën tjetër u merr 70, pasi çmimet janë rritur”.

Ai tha se shteti nuk pyet më për popullin dhe se varfëria është shtuar, ndërsa çmimet janë rritur në mënyrë të ndjeshme.

Sipas tij nafta ka më shumë ujë se naftë dhe qeveria nuk e kontrollon, ndërsa lidhur me arsimin Cani nënvizoi se është në krizë, ashtu si shëndetësia që është e mbushur me ilaçe të skaduara.

“Ekonomia është në udhëkryq, ne urgjentisht duhet të heqim doktorin për të shpëtuar ekonominë”, deklaroi Cani në mbyllje të fjalës së tij.

a.y/noa.al

Paah 770 milion dollar borxhe,Enver Hoxha ''diktator'' por ai kur ka

vdekur ,e vertet se len nje vend te varfer mbrapa mirèpo sa di une popullit si len asnje dollar borxh.Me ne fund po del se ai prap paska qen pak me shume patriot se te gjithe keta te tjeret!

partia socjaliste esht dega e partis e punes ata me edi ramen ne krye ekan humb imazhin e shipris po dasht zoti mos te vin kur ne pushtet