Clinton uron popullin shqiptar për pavarësinë

Sekretarja amerikane e shtetit Hilari Klinton ka uruar popullin shqiptar me rastin e 100-vjetorit të Pavarësisë. Në një deklaratë për shtyp, Clinton është shprehur: “Në emër të Presidentit Obama dhe popullit të Shteteve të Bashkuara, unë jam e kënaqur për t’iu dërguar urimet më të mira për popullin e Shqipërisë, ndërsa ju festoni Ditën e Pavarësisë tuaj këtë 28 nëntor. Që nga themelimi i një republike demokratike, Shqipëria ka bërë përparime të mëdha përpara. Sot, Shqipëria është e gatshme të konsolidojë ato fitore dhe të integrohet në një Evropë që është e tërë, e lirë dhe në paqe. Por kjo kërkon miratimin e reformave të mbetura tani, dhe kryerjen e zgjedhjeve të lira dhe transparente parlamentare pranverën që vjen, forcimin më tej të demokracisë dhe modernizimin e Shqipërisë kështu që t’i përgjigjet nevojave të popullit shqiptar.” Sekretarja amerikane Klinton ka vlerësuar gjithashtu Shqipërinë si partner dhe mik të SHBA-së. “Ndërsa ju festoni me familjet dhe të dashurit, dijeni se Shtetet e Bashkuara janë një partner dhe mik. Ne shikojmë përpara për një të ardhme të miqësisë dhe bashkëpunimit të vazhdueshëm”, përfundon deklarata për shtyp e sekretares Clinton.