Los Anxhelos, kuzhinieri vret dhe gatuan gruan për 4 ditë

Rrëfimi tronditës i vrasjes së tri viteve më parë.
Një kuzhinier profesionist në një rajon të Los Anxhelosit, Kaliforni, tre vjet më parë ka vrarë gruan e, për të fshehur gjurmët e vrasjes, e ka gatuar trupin e saj për katër ditë. Lajmi tronditës erdhi nga gjykata që po trajton çështjen e David Viens, 49 vjeç, i cili në tetor të vitit 2009 vrau gruan e tij, Dauna, 39 vjeçe. Në rrëfimin e tij, mes të tjerash thuhet se “Më kapi paniku, duhet të hiqja qafe trupin. Mënyra më e thjeshtë për të fshirë gjurmët, ishte ta gatuaja. Copa të trupit të saj zjenë në kuzhinë për katër ditë dhe përmbajtjen e hodha në plehra”, tha Viens. Fillimisht kuzhinieri pati thënë se gruaja e tij kishte ikur në shtëpinë e nënës së saj, por atje nuk u gjet kurrë ndonjë gjurmë. Më pas, kuzhinieri tenton vetëvrasjen dhe hidhet nga një shkëmb, por shpëtoi duke thyer vetëm një krah. Kur ishte në spital, tregoi historinë tronditëse për sherifët, të cilët e kanë regjistruar, duke thënë se “nuk keni për ta gjetur kurrë trupin e saj, sepse unë e kam gatuar”. Në gjykatë, juria dëgjoi regjistrimin e kuzhinierit, pasi ai ishte vetëdeklaruar i pafajshëm. Çifti ishte grindur për çështje parash dhe, në debat e sipër, Viens i kishte mbyllur gojën gruas me izolant dhe i kishte lidhur duart e këmbët dhe më pas ishte shtrirë për të fjetur duke e lënë gruan të lidhur. “Kur u zgjova nga gjumi, ajo kishte vdekur”, tha Viens

Sikur jane shtuar keto vitet e fundit kanibalet apo me duket mua??!!