Eurozona, mbi 18 milionë të papunë

Papunësia po rritet në vendet e eurozonës, me dy milionë të tjerë të papunë gjatë vitit të kaluar.

Bashkimi Evropian njoftoi sot se më shumë se 18 milionë vetë ishin të papunë në muajin gusht në 17 vendet e bllokut, që përdorin monedhën e përbashkët euro, shifra më e lartë kjo që kur filluan të mbahen statistikat në vitin 1995. Niveli i papunësisë në eurozonë është 11,4 përqind, shumë më i lartë se sa dy konkurrentët kryesorë ekonomikë; Shtetet e Bashkuara që e kanë nivelin e papunësisë 8,1 dhe Japonia 4,1.

7 milionë të tjerë figurojnë të papunë në vendet e tjera të BE-së, që nuk janë në eurozonë. Zëdhënësi i Komisionit Evropian, Jonathan Todd, e quajti nivelin e papunësisë ‘të papranueshëm’.

Shifra e papunësisë në Spanjë ishte mbi 25 përqind në muajin gusht, ndërsa në Greqi pak më ulët. Fuqia ekonomike e Evropës, Gjermania kishte një nivel papunësie prej 5,5 përqind, ndërsa Austria 4,5.

/Shekulli Online/Përgatiti: M.A./

Mos na e qani hallin bre neve se mire jemi.

sa te keni merkel mos e vrisni menjen se sju gje gjo...

Fjale me vend.Po edhe ai qe do vi ndoshta ne mot,ka deklaruar se ne Europolitik e Finance nuk do te ndryshoj gje.Te pershendes Selvana.

prit njeher prit,se drejt fundit po shkojm te gjith...tani per tani gjermani esht mir,por edhe atje papunsi mbizotro,dhe mund te ndodh qe te shkoj drejt fundit...lene ca thon...ama ishallah e marrin veten gjith shtetet...