“Facebook” me mbi ... 1 000 000 000 përdorues!

Rrjeti social Facebook tejkaloi një miliard përdorues aktivë, u shpreh sot drejtori i Përgjithshëm i kësaj kompanie, Mark Zuckerberg. “Numërohen më tepër se një miliard përdorues aktivë në Facebook këtë muaj”, deklaroi Zuckerberg në faqen e internetit të grupit.

“Të ndihmosh një miliard persona të jenë në kontakt është e pabesueshme, gjë që më bën të jem krenar në jetën time”, shtoi ai, transmeton BW.

Sipas raporteve të përpiluara në lidhje me përdoruesit, rreth 600 milionë persona e përdorin faqen e rrjetit social në internet nëpërmjet telefonit celular.