Sheriati i Kishes Katolike, brenda shtetit shqiptar

Ne shkrimin me poshte, Gjergj Meta, sfidon Henri Cilin dhe Fatos Lubonjen, te cilet kane kritikuar te drejten e Kishes Katolike per te shkisheruar gjakesoret. Por cfare eshte interesante ne kete shkrim, eshte se Meta sqaron "konkordatin" qe Kisha Katolike ka me shtetin shqiptar. Sipas ketij Konkordati, Kisha Katolike, zbaton "sheriatin" apo ligjin e saj me besimtaret e saj dhe kete te drejte ia njeh shteti. Por muslimanet nuk e kane nje te drejte te ketille ne Shqiperi.

Ja sesi funksionon ligji kishtar ndaj besimtarit katolik ne Shqiperi:

"Dihet se Kisha Katolike ka një legjislacion të vetin të brendshëm, i zhvilluar dhe i përpunuar në shekuj, që quhet e drejta kishtare apo edhe e drejta kanonike. Kjo e drejtë është sui generis, pasi afrohet me legjislacionet e të drejtës pozitive, por largohet prej tyre pasi burimet e saj nuk janë vetëm e drejta pozitive, por edhe ajo natyrore e ajo hyjnore. Kësisoj, pra ajo ravijëzohet si e veçantë në spektrin e sistemeve juridike. Kjo e drejtë përfshin të gjithë ata që janë të pagëzuar në Kishën Katolike dhe është obliguese vetëm për ata. Ndoshta pak vetë e dinë se në Kishën Katolike në nivel universal dhe lokal ka edhe gjykata, të cilat zgjidhin çështje që prekin statusin e personave apo të institucioneve të parashikuara në Kodin e të Drejtës Kanonike (KDK), konfliktet e ndryshme, çështje të karakterit ekonomik etj. Më së shumti aktualisht gjykatat në nivel lokal merren me çështjen e martesës d.m.th. me të vërtetën e një martese kur ajo akuzohet për nulitet. Por Kisha ka edhe Gjykatat e Apelit, Gjykatën Supreme të Senjaturës Apostolike si dhe Sacra Rota-n, tribunal i Atit të Shenjtë. Gjithashtu Kongregatës për Doktrinën e Fesë i është dhënë kompetenca për të gjykuar ato që quhen krimet e rënda (delicta graviora), ku përfshihet abuzimi me të mitur i atyre që janë të veshur me petkun e urdhrit të shenjtë, pra priftërinjtë, dhunimi i Eukaristisë dhe nxjerrja e sekretit të rrëfimit nga ana e priftërinjve."

http://www.mapo.al/2012/10/07/hapesira-laike-dhe-dekreti-i-shkisherimit/