SHBA, Obama pranon dështimin në debatin televiziv me Romney

UASHINGTON- Presidenti amerikan, Barack Obama pranoi dje se debati i parë televiziv me kandidatin republikan, Mit Romney, më 3 tetor ishte një dështim për atë, duke theksuar se bazat themelore për zgjedhjet e 6 nëntorit nuk kishin ndryshuar.

"Ishte një mbrëmje e mirë për guvernatorin Romney. Ajo nuk ishte mbrëmja ime. Nuk është hera e parë që ndodh kjo'', deklaroi Obama për stacionin televiziv ABC, duke iu referuar takimit të organizuar në Denver, prej të cilit Romney fitoi pikë në sondazhe.

"Ajo që është më e rëndësishme, është se bazat themelore të kësaj gare nuk kanë ndryshuar'', theksoi presidenti demokrat në ikje, kampi i të cilit ka akuzuar kundërshtarin e tij se po iu fsheh amerikanëve qëndrimet e mëparshme, veçanërisht përsa i përket çështjeve shoqërore.

"Guvernatori Romney ka shkuar shumë larg për të fshehur qëndrimet e tij të vërteta'', theksoi Obama për
ABC-në.

/d.b