Champions, përleshje masive në Amsterdam

Të paktën 25 persona u arrestuan pas zënkave që ndodhën në zonën e dritave të kuqe në Amsterdam, përpara ndeshjes së Champions midis Ajaksit dhe Manchester City.

Sipas policisë holandeze, përleshja midis tifozerive të anasjellta nisi në orën 17:00, ndërsa arrestimet u kryen me akuzën e dhunës publike.

Nuk është komunikuar ende se cili është raporti i arrestimeve midis tifozëve vendas dhe atyre udhëtues.

Ndërkohë, masa shtesë u morën për të garantuar sigurinë edhe pas përfundimit të takimit.