“Fshati i Saliut, fshatarët vazhdojnë ende të mbushin ujë me gomerë”

Ndërsa ka ndaluar në Maminas, në kuadër të turit të tij nëpr fshatrat e Shqipërisë, kreu i PS-së, Edi Rama ka ndaluar në një cezmë ku mbush ujë gjithë zona. Duke folur me fshatarë të zonës ai ka theksuar se është e papranueshme që njerëzit e kësaj zone, edhe sot në 2012 të mbushin ujë me gomar.
“Mijëra njerëz vijnë në këtë pikë për të mbushur ujë të pijshëm gjatë ditës. Rradhë e gjatë bidonash në rrugën e rrënimit. Taksia e Ujit e quajnë gomarin në këtë zonë. Zbresin e ngjisin bidonat e ujit me gomar dhe shkruajnë borxhet në lista!, u shpreh Rama.
Më tej në fjalën e tij ai renditi edhe një sërë vështirësish që ka bujku ditët e sotme apo edhe vreshtarët e kësaj zone të cilët zhyten në borxh pas çdo sezoni, sepse kostoja e prodhimit është më e lartë se fitimi. Kryesocialisti premtoi se pas ardhjes në pushtet do të ndyshojë tërësisht politikat përt fshatin me anë të tre pikave kryesore: “1-Ujitja. 2-Ulja e kostos së prodhimit duke ulur taksën e inputeve e hequr akcizën e naftës. 3-Dalja në treg = Rilindje. Fshati është në meshirën e fatit e qyteti përballë çmimesh marramendëse për buke. Rilindje për fshatin e për qytetin. Kjo është zgjedhja e 2013-s”./alb-observer.com/