Lezhë, përmbytje nga reshjet

Dalja jashte funksionit te hidrovorit të Talës për shkak të mungesës se energjisë elektrike ka shkaktuar përmbytje të konsiderueshme.

Prej ditesh pompat e hidrovorit jane jashte funksionit dhe niveli i ujit eshte bere alarmant ne zonat e Spiten, Rrile, Myltë dhe Barbulloje te Lezhes. Një prej lagjeve më të goditura është ajo e Barbullojës e cila e vuan shpesh situatën e ujit në sipërfaqe por në këtë hark kaq të shkurtër me rreshje uji ka depertuar edhe në banesa.

Si pasojë e kësaj përmbytjeje janë krijuar dëme të shumta në të mbjellat e stinës, në brendësi të banesave si dhe në baza ushqimore për bagëti të banorëve.

Gjate paradites se te merkures ka rinisur punën hidrovori i Tales, sipas konfirmimit nga drejtori i Bordit të Kullimit, por po sipas tij është shumë e vështirë që situata të normalizohet shpejt për shkak të sasive te medha te ujit.