Shteti grek i refuzon emrin mysliman bebes shqiptare

Tue 20 Nov 2012 - 15:32 Message reputation : 100% (1 vote)

Shteti grek arrin deri në ekstremitet duke e lënë një vogëlushe të pa pagëzuar me emër. Miklovan Shehu (i vetëpagëzuar në Greqi me këtë emër), më saktë Gëzim Shehu, tre vite më parë është gëzuar në jetë me fëmijën e parë, që ka dashur ta pagëzojë me emrin e nënës së tij të ndjerë.

Ai vetë në Greqi është detyruar të mbajë emër ortodoks, por të bijës ka dëshiruar t’i vendosë emrin mysliman të gjyshes, Fatime, Fatma, ndërkohë që ky emër nuk është lejuar.

Gëzimi ka pohuar për gazetën Shqip se autoritetet greke e kanë regjistruar fëmijën me të gjitha të dhënat, por pa emër, sikundërse pas lindjes, në rast se fëmijës nuk i ke vendosur emrin, shënohet Bebi dhe kështu ka ndodhur.

Për të regjistruar fëmijën dhe për ta pajisur me certifikatë, më pas me pasaportë biometrike, Gëzimi ka nisur bashkëshorten së bashku me vogëlushen dhe dokumentacionin e nevojshëm, të firmosur nga shteti grek.

Por fëmija nuk mund të regjistrohej pasi në certifikatën e lëshuar nga autoritetet greke fëmija nuk kishte emër.

Pas tre vitesh, i ati i vajzës pohon se arrin të zgjidhë problemin me vajzën, duke e regjistruar me emrin Bebi.

Gëzimi i bën apel shtetit shqiptar të tregojë më shumë kujdes për emigrantët, pasi dhe ata janë pjesë e këtij vendi.gazetatema.net