“Amour” merr 4 çmime në Festivalin e Filmit Europian

Filmi “Amour”, i regjisorit austriak, Michael Haneke, ka rrëmbyer katër çmime në Festivalin e Filmit Europian.

Në ceremoninë e mbajtur në Maltë, “Amour” ka fituar çmimin e filmit më të mirë, të regjisorit më të mirë, të aktores dhe aktorit më të mirë.

Filmi është një prodhimi i përbashkët francez, gjerman dhe austriak. Skenari i tij fokusohet në një çift të moshuar, Anne dhe Georges, me një vajzë që jeton jashtë vendit. Anne vuan nga një sëmundje që paralizon gjysmën e trupit të saj. Filmi bazohet në një situatë që ka ndodhur në familjen e regjisorit Haneke. Po këtë vit “Amour” ka fituar çmimin kryesor - Palma e Artë - në Festivalin e Filmit në Kanë. Në rolet kryesore të filmit luajnë; Jean-Louis Trintignant, Emmanuelle Riva dhe Isabelle Huppert. Realizimi i tij ka kushtuar 7.3 milionë dollarë.