Greqia do të jetë vendi i parë europian që merr drejtpërdrejt gazin azerbajxhanas

BAKU, Azerbajxhan -- Një zyrtar i lartë azerbajxhanas i energjisë tha të mërkurën (6 prill) se Greqia do të jetë vendi i parë europian në të cilin gazi azerbajxhanas do të furnizohet drejtpërdrejt. Rovnag Abdullajev, president i ndërmarrjes shtetërore të naftës SOCAR, po fliste pasi ndërmarrja e tij dhe ndërmarrja kombëtare e gazit e Greqisë DEPA nënshkruan një memorandum mirëkuptimi në periferi të një forumi tregtar greko-azerbajxhanas në Baku. Tani gazi azerbajxhanas furnizohet në Greqi nëpërmjet Turqisë. Në përurimin e forumit, së bashku me Presidentin azerbajxhanas Ilham Alijev, Presidenti grek Karolos Papulias theksoi përpjekjet që vendi i tij po bën për të dalë nga kriza ekonomike e thellë e tij. Ai u kërkoi tregtarëve azerbajxhanas që të përfitojnë nga kuadri i ri i investimeve të Greqisë.