Studimi i universiteteve Harvard dhe Hamilton: ADN-ja jonë, është e ngjashme me atë të jashtëtokësor

Kohët ndryshojnë, shkenca përparon!
Harrojini përbindëshat dhe mostrat e filmave me Alien… nëse ata ekzistojnë, ndoshta ngjajnë më shumë me Klingon-in e Star Trek.

Por, studiues të Universiteteve të Harvard dhe Hamilton në Ontario, pretendojnë se nëse ekziston jetë në galaktikat që ne njohim, atëherë qeniet jashtëtokësore, nuk do ndryshonin shumë prej nesh, kjo pasi ADN-ja jonë, është “konstante-globale”.

Por, sigurisht për arsye të ndryshimeve klimaterike që mbizotërojnë në planetët e universit, aty ekzistojnë qenie jashtëtokësore të ndryshme me qenien njerëzore, për arsye se duhet t’u përshtaten kushteve dhe t’i rezistojnë qoftë temperaturave shumë të ulëta, apo mungesës të gravitetit.
“Termodinamika, është themelore. Por, ekziston dhe teoria që thotë se akoma dhe në planetë me temperaturë shumë të ulët, qenie jashtëtokësore mund të mbijetojnë nën tunele të krijuara në nëntokë, ose duke përballuar problemin me anë të teknologjisë”, pohon dekani i universitetit të Hmailton, Ralph Pountritz, i cili beson se është shumë egoiste të besojmë se jemi të vetëm në univers, citon albobserver.com.
Ndërkohë, duhet theksuar se, veç pohimeve nga shkencëtarë të ndryshëm dhe mbështetësve të konspiracionit, të cilët nuk kanë reshtur së mbështeturi ekzistencën e jashtëtokësorëve, është hera e parë që dy universitete së bashku -aspak universitete të rastit- kryejnë një hulumtim të përbashkët dhe hulumtimi rezultoi në një përgjigje, sa utopike po dhe aq të pranueshme./albobserver.com/