FRESSH: I turpshëm akti i shtetit grek ndaj emigrantëve shqiptarë

NGA ERLIS HOXHA*
N/kryetari i FRESSH për Marrëdhëniet me Jashtë dhe Emigracionin, Erlis Hoxha, reagon ashpër ndaj aktit të turpshëm të autoriteteve të shtetit Grek, ndaj emigrantëve shqiptarë.

Ngjarja e ndodhur në pikën doganore të Kakavijës ku disa dhjetëra shtetas shqiptarë janë kthyer mbrapsht, cilësohet si krejtësisht e papranueshme.

Argumentet e përdorura nga policia fqinje janë absurde dhe të pabazuara në asnjë legjislacion ndërkombëtar, për më tepër janë akte që cenojnë dinjitetin e shtetasve tanë.
N/Kryetari për Marrëdhëniet me Jashtë dhe Emigracionin, z. Hoxha theksoi se ne jemi për ruajtjen e fqinjësisë së mirë midis shteteve respektive, por gjithmonë mbi parimin e reciprocitetit të këtyre marrëdhënieve.
Shkelja e njëanshme e këtyre parimeve cenon rëndë marrëdhëniet midis dy shteteve tona.
FRESSH i kërkon Qeverisë Shqiptare që të reagojë përmes strukturave përkatëse duke negociuar sa më parë për zgjidhjen e menjëhershme të këtij problem, duke vënë në vend në vend dinjitetin e cenuar të shtetasve tanë dhe që raste të tilla të mos përsëriten më.

*Autori është N/Kryetar i FRESSH për Marrëdhëniet me Jashtë dhe Emigracionin